Խոշոր ձեռքբերումներ՝ վնասաբեր գործունեությամբ
Վերջին շրջանում «Պրոյեկտ ինտեր-ինվեստ» ՍՊԸ-ն ձեռք է բերել տասնյակ շինություններ, սուպերմարկետներ և գործող բիզնեսներ։ Սակայն 2024-ի հաշվետվության համաձայն՝ ընկերությունը վնասաբեր է և հարկային շահույթ չի գրանցել։
Բյուջեի վրա ազդեցությունը
Շահութահարկի բացակայությունը նշանակում է, որ բյուջեի ծանրաբեռնվածությունը շարունակում է ընկնել փոքր ու միջին բիզնեսների ուսերին։ Հենց նրանք են մնում հիմնական հարկատուները՝ առանց խոշոր բիզնեսների համարժեք մասնակցության։
Հետհեղափոխական տնտեսության չիրականացված սպասումները
Այս իրավիճակը կրկին առաջ է բերում այն հարցը, որ ցանկացած քաղաքական հեղափոխությանը պետք է ուղեկցի տնտեսական հեղափոխություն։ Իսկ 2018-ից հետո նման լայնածավալ փոփոխություններ, ըստ ամենայնի, չեն իրականացվել։
Եթե խոշոր բիզնեսները շարունակում են գործել վնասով և հարկերից խուսափելու ռեժիմով, ո՞վ է իրականում պահում պետության բյուջեն։