Օրերս Նիկոլ Փաշինյանը հայտարարեց.
– Որևէ տնտեսվարող չպետք է բողոքի, որ իրենից թեկուզ մեկ լումա ավել հարկ են վերցրել։
Այս կապակցությամբ տեղեկացնենք, որ 2025 թվականի այս պահի դրությամբ նմանատիպ բողոքով ՊԵԿ բողոքարկման և գանգատարկման հանձնաժողով է դիմել թվով 2003 տնտեսվարող։
Եվս 2325 տնտեսվարող բողոքել էր 2024 թվականին։ Իսկ թե դատարաններ որքան հարկ վճարող է բողոքել, որ իրենից, ըստ էության, ավել հարկ է գանձվել, այս պահին հայտնի չէ։
Իր հերթին «հերոս հարկատուները» շարունակում են հարյուրներով տուգանվել ՀԴ, չձևակերպված վարձու աշխատող և այլ հարկային իրավախախտումներ կատարելու հայտանիշներով, որոնց նկատմամբ հարկային մարմինները իրականացնում են համապատասխան վարչարարական գործողություններ։