Երևանի տարբեր փողոցներում՝ էլեկտրական սյուների վրա, տեսանելի են փակցված թղթեր ՝ «Սպառողական վարկ» գրությամբ։
Հարց է առաջանում, ինչպես է լիցենզիա և այլ խստագույն պահանջներ պարունակող վարկավորման ոլորտը հայտնվել նման բարձիթողի վիճակում՝ քաղաքացուն միայնակ թողնելով, ըստ էության, օրենքից դուրս գործող կասկածելի կառույցների հետ։
Կարծում ենք, որ Կենտրոնական բանկի վերահսկողական ստորաբաժանումները պետք է առավել հետևողական լինեն նման զգայուն ոլորտի նկատմամբ։
Առաջիկայում լրատվամիջոցը վերոնշյալի վերաբերյալ կփորձի հարցման միջոցով ստանալ պարզաբանում պատկան մարմիններից։