2025 թվականի նոյեմբերի 27-ին Ատոմ Ջանջուղազյանը հաստատել է Հաշվեքննիչ պալատի 2026 թվականի գործունեության ծրագիրը, որի հավելվածներից տեղեկանում ենք մի շարք ոլորտներում առկա մտահոգիչ փաստերի մասին։
Մասնավորապես առողջապահական ծառայությունների հասանելիության և որակի տեսակետից բժշկական կադրային ներուժի խիստ անհամաչափ բաշխվածությունը նշանակալի խնդիր է. 10000 բնակչի հաշվով Տնտեսական համագործակցության և զարգացման կազմակերպության (ՏՀԶԿ) երկրներում բժիշկների թիվը 37 է, ՀՀ‑ում՝ 51, ընդ որում՝ մայրաքաղաքում՝ 101, իսկ մարզերում՝ 16-26:
Առկա է կադրային թերհագեցվածություն մարզերում․ Առողջապահության նախարարության տվյալներով գոյություն ունի 268 բուժաշխատողի թափուր հաստիք ։
Հաշվեքննիչ պալատի 2026 թվականի աշխատանքային ծրագրին կանդրադառնանք առաջիկայում։