Քեմբրիջի համալսարանի գիտնականները պարզել են, որ մարդու ուղեղը կյանքի ընթացքում անցնում է մի քանի տարբեր փուլերով, որոնցից հիմնական շրջադարձային կետերը տեղի են ունենում 9, 32, 66 և 83 տարեկանում: Ուսումնասիրության հեղինակները հույս ունեն, որ այս փուլերից յուրաքանչյուրում ուղեղի վիճակի հասկացումը կօգնի ավելի լավ հասկանալ հոգեկան խանգարումների և դեմենցիայի պատճառները:
Ուսումնասիրությանը մասնակցել է մոտ 4000 մարդ, որոնց ուղեղը սկանավորվել է՝ պարզելու համար, թե ինչպես են գործում իրենց ուղեղի բջիջների միջև կապերը:
Քեմբրիջի հետազոտողները եզրակացրել են, որ ուղեղը մնում է երիտասարդական փուլում մինչև մոտ 30 տարեկանը՝ տարիք, որը սովորաբար համարվում է մարդու զարգացման գագաթնակետը:
Գիտնականները կարծում են, որ նոր ուսումնասիրության արդյունքները կօգնեն մեզ հասկանալ, թե ինչու են հոգեկան խանգարումների և դեմենցիայի ռիսկերը տարբերվում կյանքի տարբեր փուլերում:
Երբ մենք ձեռք ենք բերում նոր գիտելիքներ և փորձ, ուղեղը անընդհատ փոխվում է, սակայն ուսումնասիրությունը ցույց է տալիս, որ սա միակ, սահուն գործընթաց չէ, որը տեղի է ունենում ծնունդից մինչև մահ։
Փոխարենը, ուղեղի գործառույթի հինգ փուլ կա.
Մանկություն՝ ծնունդից մինչև 9 տարեկանը։
Երիտասարդություն՝ 9-ից մինչև 32 տարեկանը։
Մեծահասակություն՝ 32-ից մինչև 66 տարեկանը։
Վաղ ծերացում՝ 66-ից մինչև 83 տարեկանը։
Ուշ ծերացում՝ 83 տարեկանից սկսած։
Սկզբնաղբյուրը՝ BBC News լրատվական կայք