ԱՄՆ նախագահ Դոնալդ Թրամփը ստորագրել է հուշագիր, որով Միացյալ Նահանգները դուրս է գալիս 66 միջազգային կազմակերպություններից, հայտարարել է Սպիտակ տան մամուլի ծառայությունը սոցիալական մեդիա հարթակում։
Փաստաթուղթը պարտավորեցնում է բոլոր գործադիր գերատեսչություններին և գործակալություններին դադարեցնել ՄԱԿ-ի 31 և ՄԱԿ-ի անդամ չհանդիսացող 35 կազմակերպությունների մասնակցությունը և ֆինանսավորումը։ Սպիտակ տունը հայտարարել է, որ այդ կազմակերպությունները այլևս չեն ծառայում Միացյալ Նահանգների ազգային շահերին, անվտանգությանը, տնտեսական բարգավաճմանը կամ ինքնիշխանությանը։
Նրանք ընդգծել են, որ այս քայլը կդադարեցնի ամերիկյան հարկատուների կողմից այն կազմակերպությունների ֆինանսավորումը, որոնք, վարչակազմի կարծիքով, առաջ են մղում գլոբալիստական շահերը ԱՄՆ առաջնահերթությունների հաշվին կամ անարդյունավետորեն լուծում են կարևոր հարցերը։
Սկզբնաղբյուրը՝ Irna լրատվական կայք