Իրանի գերագույն առաջնորդ այաթոլլա Ալի Խամենեին հայտարարել է, որ ցուցարարները վանդալիզմի ենթարկում են փողոցները՝ ԱՄՆ նախագահ Դոնալդ Թրամփին հաճոյանալու համար: Ալի Խամենեին կոչ է արել քաղաքացիներին հույսեր չդնել Ամերիկայի նախագահի վրա:
«Օրինակ, ենթադրենք, որ նրանք քանդել են շենք կամ պատ՝ պարզապես Ամերիկայի նախագահին հաճոյանալու համար: Որովհետև նա ասել է… ինչ-որ ծիծաղելի անհեթեթություն… որ «եթե Իրանի կառավարությունը սա և այն անի, ես կկանգնեմ ձեր կողքին»», – ասել է Ալի Խամենեին: Նրա ելույթը հեռարձակվել է պետական հեռուստատեսությամբ:
Զանգվածային ցույցերը Իրանում սկսվել են դեկտեմբերի վերջին՝ ազգային արժույթի արժեզրկման և գների վրա ազդող կտրուկ տատանումների պատճառով: Associated Press-ի փոխանցմամբ՝ հունվարի 8-ի երեկոյան Թեհրանում վերսկսվել են անկարգությունները: NetBlocks մոնիթորինգի ծառայության տվյալներով՝ Իրանում ինտերնետն ամբողջությամբ անջատվել է: Դոնալդ Թրամփը զգուշացրեց, որ Միացյալ Նահանգները «շատ ուժեղ» կհարվածի Իրանին, եթե ցուցարարներ սպանվեն։ Նա պնդեց, որ մի քանի ցուցարարներ սպանվել են անվտանգության ուժերի կողմից կարգուկանոն պահպանելու անկարողության պատճառով։
Սկզբնաղբյուրը՝ Kommersant լրատվական կայք