Գազայի խաղաղության խորհրդի կանոնադրությունը հաստատվեց Դավոսում։
Փաստաթուղթը ստորագրեցին Հայաստանը, Արգենտինան, Ադրբեջանը, Բուլղարիան, Հունգարիան, Ինդոնեզիան, Հորդանանը, Ղազախստանը, ինքնահռչակ Կոսովոն, Պակիստանը, Պարագվայը, Կատարը, Սաուդյան Արաբիան, ԱՄՆ-ն, Թուրքիան, Արաբական Միացյալ Էմիրությունները, Ուզբեկստանը և Մոնղոլիան։ Նախաձեռնության հեղինակ Դոնալդ Թրամփը մասնակցեց արարողությանը։
Սպիտակ տան մամուլի քարտուղար Քերոլին Լևիթը նշեց, որ Խաղաղության խորհուրդը պաշտոնապես դարձել է միջազգային կազմակերպություն։ Այլ երկրներ կարող են միանալ։ Նախատեսվում է, որ կառույցը կգործի ոչ միայն Գազայում, այլև այլ շրջաններում։