Գերմանիայում շատ ընտանիքներ, որոնք ունեն 1-ին տիպի շաքարախտով փոքր երեխաներ, օգտագործում են, այսպես կոչված, սենսորային պոմպային թերապիա՝ արյան մեջ շաքարի մակարդակը վերահսկելու համար։
Այս թերապիայի միջոցով ծնողները պետք է ձեռքով ներարկեն ինսուլինը և շտկեն արյան մեջ շաքարի բարձր մակարդակը։ Սա երբեմն պահանջում է հաճախակի ճշգրտումներ, այդ թվում՝ գիշերը։
Փոքր երեխաները օրեցօր ունեն ինսուլինի կարիքների ամենաբարձր տատանումները, բայց նրանք դեռևս չեն կարողանում ինքնուրույն արձագանքել արյան մեջ գլյուկոզի մակարդակին։ Ավելին, արյան մեջ շաքարի բարձր մակարդակը երկար ժամանակահատվածում կարող է բացասաբար ազդել ուղեղի զարգացման և IQ-ի վրա։
Գերմանական համալսարանական հիվանդանոցը մասնակցել է ինսուլինի ավտոմատացված մատակարարման նորարարական համակարգի միջազգային ուսումնասիրությանը, որը փորձարկվել է 1-ին տիպի շաքարախտով մեկից յոթ տարեկան 74 երեխաների վրա։ Հետազոտության համաձայն՝ այս տարիքում համակարգն ավելի անվտանգ և արդյունավետ էր, քան ստանդարտ թերապիան։
Երեխաների ծնողները հայտնել են, որ վերջապես կարողացել են լավ քնել, քանի որ այլևս գիշերը արյան մեջ շաքարի մակարդակի բարձրացումը կամ անկումը վերահսկելու կարիք չկա։
Նոր հավելվածն արդեն հավաստագրված է Եվրոպական Միության ստանդարտներին համապատասխան։ Ներկայումս այն աշխարհում միակ CE հավաստագրված համակարգն է 1 տարեկան և բարձր երեխաների մոտ շաքարախտի ավտոմատ մոնիթորինգի համար։
Սկզբնաղբյուրը՝ Glorismed լրատվական կայք