Լիբիական լրատվամիջոցները հաստատել են, որ Սեյֆ ալ-Իսլամ Քադաֆին սպանվել է չորս զինված անձանց կողմից արևմտյան Զինտան քաղաքի մոտակայքում։
Սեյֆ Քադաֆիի քաղաքական խորհրդական Աբդուլլահ Օթմանը հաստատել է սպանությունը իր Ֆեյսբուքյան էջում կարճ գրառման մեջ՝ առանց սպանության կամ հանցագործների մասին որևէ մանրամասնություն բացահայտելու։
Սեյֆ ալ-Իսլամ Քադաֆիի քաղաքական թիմը պաշտոնապես ցավակցություն է հայտնել հանգուցյալ Լիբիայի առաջնորդի որդու համար՝ գրելով. «Սեյֆ ալ-Իսլամի մարմնի վերադարձը ներկայումս կազմակերպվում է»։
Քադաֆիի ընտանիքին մոտ կանգնած «Ալ Հադաթ» հեռուստաընկերության աղբյուրների համաձայն՝ ալ-Իսլամը մահացու վիրավորվել է իր նստավայրի մոտ գտնվող այգում։ Հարձակվողները չորսն էին, որոնք բոլորը արագ փախել են դեպքի վայրից։ «Ալ Ջազիրան» պնդում է, որ Քադաֆիի տան բոլոր տեսախցիկները անջատվել են մահափորձից առաջ։
Իր հերթին, 444-րդ մարտական բրիգադը, որը ենթարկվում է Լիբիայի Ազգային համաձայնության կառավարության պաշտպանության նախարարությանը, պնդում է, որ Քադաֆիի ավագ որդին սպանվել է զինված բախումների ժամանակ։ Բրիգադի մարտիկները հերքում են այս իրադարձություններին իրենց որևէ մասնակցությունը։
Սկզբնաղբյուրը՝ Euronews լրատվական կայք