2026 թվականի սկզբին ավելացված արժեքի հարկը (ԱԱՀ) 20 տոկոսից բարձրացել է մինչև 22 տոկոս, ինչը Ռուսաստանում սպառողական գների աճ է առաջացրել, ինչի կապակցությամբ երկրի Կենտրոնական բանկը (ԿԲ) հայտնել է տագնապալի իրավիճակի մասին։
Կարգավորող մարմնի ներկայացուցիչները ընդգծել են, որ ԱԱՀ-ի բարձրացմանը արձագանքը մտահոգիչ ազդանշան է տնտեսության համար։ Սա կարող է հանգեցնել անհատների և բիզնեսի շրջանում գնաճի սպասումների անընդհատ բարձրացման։ Ավելին, ԱԱՀ-ի բարձրացման ազդեցությունը կարող է ամրապնդվել։
Երևույթը, իր հերթին, սպառնում է դանդաղեցնել ներքին գնաճի անկումը։ Կենտրոնական բանկը հավելել է , որ սպառողական գների կտրուկ աճը, ի վերջո, կարող է զգալիորեն երկարացնել իներցիոն գնաճի շարունակությունը։ Այս ֆոնին կարգավորող մարմինը խոստացել է շարունակել պահպանել խիստ դրամավարկային քաղաքականություն՝ գնաճը վերահսկելու համար։ Ռուսաստանի նախագահ Վլադիմիր Պուտինը հույս է հայտնել, որ ԱԱՀ-ի բարձրացման ֆոնին սպառողական գների կտրուկ աճը կարճատև կլինի։
Նա նշել է, որ տարեսկզբին գնաճի արագացումը բավականին սպասելի էր։ Պետության ղեկավարը ենթադրել է, որ սա Ռուսաստանի հարկային համակարգի վերակառուցման հետևանք է՝ հիշեցրելով, որ 2026 թվականից սկսած ոչ միայն ավելացված արժեքի հարկն է բարձրացվել, այլև փոքր բիզնեսի համար դրա վճարման սկզբնական եկամտի շեմը նվազեցվել է մինչև 20 միլիոն ռուբլի։
Պուտինը հավելել է , որ կառավարությունը և Կենտրոնական բանկը նույնպես հույս ունեն ԱԱՀ-ի բարձրացման կարճաժամկետ ազդեցության վրա։ Նա ընդգծել է, որ այս հարկային դրույքաչափի նախորդ բարձրացումները նույնպես ուղեկցվել են գների աճով, բայց հավասարակշռությունը, ի վերջո, վերականգնվել է։ «Ես կարծում եմ, որ սա կշարունակվի», – եզրափակեց նախագահը։
Սկզբնաղբյուրը՝ Lenta.ru լրատվական կայք