Անցյալ ամիս լրացավ 2022 թվականի սեպտեմբերյան ադրբեջանական ագրեսիայի ժամանակ քաջաբար նահատակված Գայանե Աբգարյանի 46-ամյակը։
Գայանե Գևորգի Աբգարյանը 4 երեխաների մայր էր։ Ծառայում էր Հայաստանի զինված ուժերում որպես պայմանագրային զինծառայող, ունեցել է շարքայինի կոչում։
2022 թվականի սեպտեմբերի 13-ին Ադրբեջանը լայնածավալ հարձակում սկսեց Հայաստանի արևելյան և հարավ-արևելյան սահմանների ուղղությամբ։
Հայաստանի դեմ Ադրբեջանի սանձազերծած սեպտեմբերյան եռօրյա պատերազմին մասնակցում է նաև Գայանե Աբգարյանը, և զոհվում նույն օրը՝ սեպտեմբերի 13-ին, մարտական դիրքում։
Նրա մահը ուղեկցվել էր խոշանգումներով և անմարդկային վերաբերմունքով։
Հուղարկավորվել է «Եռաբլուր» զինվորական պանթեոնում։
Հետմահու պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։
Լիահույս ենք, որ Գայանե Աբգարյանի սպանությունը կատարած անձինք, ստորաբաժանումները կհայտնաբերվեն և առնվազն Միջազգային քրեական դատարանի կողմից պատասխանատվության կենթարկվեն։
Հավերժ Փառք ու Պատիվ Ձեզ, քա՛ջ հայորդիներ։
Ձեր սխրանքն անմահ է, Ձեր անունները՝ մեր սրտերում։