Հայտնի է, որ ջրային հեղուկի արտահոսքի խանգարումը հանգեցնում է ճնշման բարձրացման և գլաուկոմայի զարգացմանը։
«Իմունիտետ» ամսագրում հրապարակված ուսումնասիրության համաձայն՝ ռեզիդենտ մակրոֆագերը, մաքրելով արտահոսքի համակարգը սպիտակուցներից և թափոններից, կարևոր դեր են խաղում ակնային ճնշման կարգավորման գործում։
Ըստ ուսումնասիրության գլխավոր հեղինակ Քեյթի Լյուի՝ գլաուկոմայի միակ բուժումը ներկայումս մնում է ակնային ճնշման նվազեցումը, որը, սակայն, չի երաշխավորում տեսողության պահպանումը։
Ուսումնասիրության ընթացքում գիտնականները վերահսկել են մկների աչքերում ֆլուորեսցենտային նշագրված ռեզիդենտ մակրոֆագերը։ Մակրոֆագերի հեռացումը հանգեցրել է արտահոսքի խցանման, հեղուկի կուտակման և ակնային ճնշման բարձրացման։
Մակրոֆագերի դերի հասկացումը կարող է հիմք հանդիսանալ ակնային ճնշման նորմալացմանն ուղղված նոր դեղամիջոցների մշակման համար։ Հետազոտողները պլանավորում են հաստատել այս բջիջների առկայությունը մարդու աչքի ջրահեռացման համակարգում։
Սկզբնաղբյուրը՝ Remedium լրատվական կայք