Ի պատասխան ԱՄՆ նախագահ Դոնալդ Թրամփի՝ իրանական էլեկտրակայաններին հարվածելու սպառնալիքների` Իսլամական հեղափոխության պահապանների կորպուսի (ԻՀՊԿ) հետախուզական ծառայությունը հայտարարել է, որ տարածաշրջանից դուրս գտնվող կարևորագույն տեխնոլոգիական կենտրոնները կենթարկվեն հարձակման 48 ժամվա ընթացքում։
Կիրակի օրը X հարթակում հրապարակված գրառման մեջ ԻՀՊԿ-ն հայտնել է, որ փետրվարի 28-ից ի վեր Իրանի զինված ուժերին հաջողվել է կայունացնել իրավիճակը Հորմուզի նեղուցում՝ ստիպելով ԱՄՆ-ին լքել տարածաշրջանում գտնվող իր բազաները և վնասելով ու ոչնչացնելով Իսրայելի ռեժիմի տեխնոլոգիական կենտրոնները։
Այսուհետ Իրանի զինված ուժերը կհետևեն Իսլամական Հանրապետության թշնամիների հետ կապված արտատարածաշրջանային տեխնոլոգիական և քաղաքական օբյեկտներին,- հայտարարել է ԻՀՊԿ-ն ։
Երեկ Թրամփը սպառնացել է ռմբակոծել Իրանի էներգետիկ ենթակառուցվածքները, եթե Հորմուզի նեղուցը չբացվի 48 ժամվա ընթացքում։
Սկզբնաղբյուրը՝ Iran.ru լրատվական կայք