Իսլամական հեղափոխության առաջնորդ Այաթոլլահ Սեյեդ Մոջթաբա Խամենեին երախտագիտություն է հայտնել Իրաքի կրոնական իշխանություններին և ժողովրդին՝ Միացյալ Նահանգների և Իսրայելի ռեժիմի կողմից Իսլամական Հանրապետության դեմ մղվող անօրինական պատերազմի հարցում նրանց «հստակ» դիրքորոշման համար։
Կիրակնօրյա իր ելույթում Այաթոլլահ Խամենեին բարձր է գնահատել Իրաքի բարձրաստիճան հոգևորականների և ժողովրդի աջակցությունը ԱՄՆ-Իսրայել ագրեսիվ պատերազմին Իրանի արձագանքի համար, որը սկսվեց փետրվարի 28-ին՝ Իսլամական հեղափոխության այն ժամանակվա առաջնորդ Այաթոլլահ Սեյեդ Ալի Խամենեիի և մի քանի բարձրաստիճան զինվորական հրամանատարների սպանությամբ։
Բաղդադում Իրանի դեսպան Մոհամմադ Քազեմ Ալե Սադեկը առաջնորդի ուղերձը փոխանցել է Իրաքի Գերագույն իսլամական խորհրդի ղեկավար շեյխ Հումամ Համուդիին։
Մարտի 21-ին Իդ ալ-Ֆիտր աղոթքի ժամանակ կարդացված հայտարարության մեջ Իրաքի շիաների գերագույն հոգևորական, մեծ Այաթոլլահ Սեյեդ Ալի ալ-Սիստանին խստորեն դատապարտել է Իրանի դեմ ԱՄՆ-Իսրայել շարունակվող պատերազմը։
Սկզբնաղբյուրը՝ Iran.ru լրատվական կայք