Neuropsychiatric Disease and Treatment ամսագրում հրապարակված նոր հետազոտությունը ցույց է տվել, որ քրոնիկ տինիտուսը (ականջներում մշտական զնգոցը կամ աղմուկը) սերտորեն կապված է դեպրեսիայի և տագնապայնության հետ, ընդ որում՝ այդ կապն ուժեղանում է ախտանիշների ծանրությանը զուգահեռ։
Գիտնականները վերլուծել են առնվազն վեց ամիս սուբյեկտիվ տինիտուսով տառապող 100 չափահաս պացիենտների տվյալները։ Հիմնական նպատակն է հասկանալ, թե որքանով է ականջներում աղմուկի արտահայտվածությունն ազդում հոգեկան վիճակի վրա։
Արդյունքները բավականին խոսուն են եղել. որքան ուժեղ է արտահայտվել տինիտուսը, այնքան բարձր են եղել դեպրեսիայի և տագնապի մակարդակները։
Նույնիսկ այլ գործոնների հաշվառումից հետո այս կախվածությունը պահպանվել է։ Տինիտուսի ծանրության սանդղակով (THI) բարձր ցուցանիշներն ուղղակիորեն ասոցացվել են դեպրեսիայի և տագնապի ավելի արտահայտված ախտանիշների հետ։
Հատկապես կարևոր պահ է «դոզայի» էֆեկտը.
Որքան ծանր է տինիտուսը, այնքան բարձր է լուրջ հոգեկան խանգարումների ռիսկը։ Ծանր ձևեր ունեցող պացիենտների մոտ չափավոր կամ ծանր դեպրեսիայի հավանականությունն աճել է ավելի քան երեք անգամ, իսկ տագնապայնությանը՝ գրեթե երեք անգամ։
Ընդհանուր առմամբ, հետազոտության մասնակիցների մոտ մեկ երրորդն ունեցել է կլինիկորեն նշանակալի ախտանիշներ. մոտ 28%-ը՝ դեպրեսիայի, և 31%-ը՝ տագնապայնության:
Սկզբնաղբյուրը՝ Med.news լրատվական կայք