ԱՄԷ արտաքին գործերի նախարարությունը հայտարարել է, որ կա «լայն համաշխարհային կոնսենսուս, որ Հորմուզի նեղուցում նավարկության ազատությունը պետք է պահպանվի»։ Որոշ արաբ պաշտոնյաների խոսքով՝ ԱՄԷ-ն կոչ է անում ԱՄՆ-ին գրավել այս ռազմավարական ջրային ուղու կղզիները, մասնավորապես՝ Աբու Մուսա կղզին, որը Իրանը պահել է կես դար։
Սաուդյան Արաբիան և Պարսից ծոցի մյուս պետությունները ներկայումս դեմ են իրանական ռեժիմին և ցանկանում են, որ պատերազմը շարունակվի մինչև դրա չեզոքացումը կամ տապալումը,- նշում են արաբ պաշտոնյաները։
Նրանցից մեկի խոսքով՝ պատերազմից առաջ ԱՄԷ-ն Իրանին համարում էր դժվար հարևան, որի քաղաքական դիրքորոշումները, այնուամենայնիվ, տրամաբանական էին։ Սակայն փետրվարի 28-ից ի վեր ռեժիմը ցույց է տվել իր իրական դեմքը։
Սկզբնաղբյուրը՝ Pravda.com լրատվական կայք