24-ամյա չինացի կինը Սինցզյան-ույղուրական ինքնավար մարզից հաջող ծննդաբերել է Ուհանի «Չժուննան» հոսպիտալում եւ հնգյակ է ունեցել՝ մեկ տղա եւ չորս աղջիկ։ Ինչպես գրել է «Ժենմին ժիբաո» թերթը, հնգյակի բնական բեղմնավորման հավանականությունը կազմում է մեկը 60 մլն դեպքերից։
«Սա բազմապտուղ ծննդաբերությունների ամենամեծ թիվն է, որ ես երբեւէ ունեցել եմ»,- ասել է հիվանդանոցի մանկաբարձության բաժանմունքի գլխավոր բժիշկ Լի Ցզյաֆուն, որն աշխատանքի 40 տարվա փորձ ունի։
Հնգյակը հսկվում է նորածնային բաժանմունքում, նրանց կենսական ցուցանիշները կայուն են։
Սկզբնաղբյուրը՝ Med.news լրատվական կայք