Վրաստանի ճանապարհների դեպարտամենտի տվյալներով՝ Վրաստանից Ռուսաստան Վերին Լարսի անցակետով անցնող ճանապարհը փակ է բոլոր տրանսպորտային միջոցների համար։
«Ձնահոսքերի վտանգի պատճառով Մցխեթա-Ստեփանծմինդա-Լարս միջազգային մայրուղու Գուդաուրի-Կոբի հատվածում արգելված է բոլոր տեսակի տրանսպորտային միջոցների երթևեկությունը»,-ասվում է հայտարարության մեջ։
Ճանապարհը փակ է բեռնատարների համար փետրվարի 1-ից, իսկ փետրվարի 2-ից՝ նաև թեթև մարդատար և մյուս մեքենաների համար: Այժմ ձնահյուսի վտանգին ավելացել են նաև ձյան առատ տեղումները:
Հիշեցնենք, որ Վերին Լարսի անցակետը ներկայումս գործող միակ ցամաքային ճանապարհն է, որը կապում է Հայաստանը Ռուսաստանի հետ (Վրաստանով)։
Սկզբնաղբյուրը՝ «Հայկական ժամանակ» լրատվական կայք