Կանադայի Բրիտանական Կոլումբիա նահանգում դպրոցում տեղի ունեցած կրակոցների հետևանքով առնվազն ինը մարդ է զոհվել: Քսանհինգը վիրավորվել է, որոնցից երկուսը ծանր վիրավորվել են:
Ողբերգությունը տեղի է ունեցել Թամբլեր Ռիջ փոքրիկ քաղաքում, որը գտնվում է գյուղական լեռնային տարածքում: Վեց զոհերի մարմինները հայտնաբերվել են դպրոցի տարածքում, մեկ զոհ մահացել է հիվանդանոց տեղափոխվելու ճանապարհին, իսկ ևս երկու մարդ սպանված է գտնվել տանը: Ոստիկանությունը կարծում է, որ այս հանցագործությունը կապված է դպրոցի կրակոցների հետ: Ոստիկանությունը հայտնել է, որ կասկածյալի մարմինը նույնպես հայտնաբերվել է դպրոցի տարածքում:
Կանադայի վարչապետ Մարկ Քարնին ասել է, որ «շոկի մեջ է սարսափելի կրակոցներից»:
Կանադական լրատվամիջոցների փոխանցմամբ՝ կրակոցների մեջ կասկածվողը կին է, սակայն ոստիկանությունը դեռևս պաշտոնապես չի հրապարակել այս մանրամասները: Դրդապատճառը անհայտ է, և քննիչները փորձում են կապ հաստատել հանցագործի և զոհերի միջև:
Դեռևս տեղեկություններ չկան այն մասին, թե քանի երեխա է զոհվել կամ վիրավորվել այս զինված հարձակման ժամանակ:
Սկզբանղբյուրը՝Euronews լրատվական կայք