Ուկրաինացի պաշտոնյաները գնահատում են, որ աֆրիկյան երկրներից ավելի քան 1700 մարդ խաբեությամբ հավաքագրվել է Ռուսաստանի կողմից կռվելու համար։
Չորեքշաբթի օրը Զիմբաբվեի իշխանությունները հայտարարեցին, որ իրենց քաղաքացիներից 15-ը մահացել են Ռուսաստանի կողմից Ուկրաինայի դեմ պատերազմում կռվելու համար հավաքագրվելուց հետո։
Նրանք նաև զգուշացրել են այլ աֆրիկյան երկրների քաղաքացիներին Ռուսաստանի կողմից կռվելու համար հավաքագրելու խարդախ սխեմաների մասին։
Տեղեկատվության նախարար Ջեմու Սոդան Հարարեում լրագրողներին ասել է, որ կառավարությունը գործադրում է բոլոր դիվանագիտական ջանքերը՝ ևս 66 զիմբաբվեցու հայրենադարձելու համար, որոնք, ենթադրաբար, դեռևս կենդանի են և գտնվում են պատերազմական գոտում։
Զիմբաբվեից բացի՝ նմանատիպ դեպքեր են գրանցվել նաև այլ աֆրիկյան երկրներում, այդ թվում՝ Հարավային Աֆրիկայում, Քենիայում և Նիգերիայում։ Նրանց տվյալներով՝ քաղաքացիներին խաբեությամբ Ռուսաստան են տարել աշխատանքի խոստումներով, բայց նրանք հայտնվել են առաջնագծում։
Սկզբնաղբյուրը՝ Euronews լրատվական կայք