Կանադացի երգչուհի Սելին Դիոնը հայտարարել է բեմ վերադառնալու մասին՝ չորս տարի անց այն բանից հետո, երբ նրա մոտ ախտորոշվել էր անբուժելի հիվանդություն, որը ազդել էր նրա ձայնի և քայլելու ունակության վրա։
Երգչուհին, որը հայտնի է այնպիսի հիթերով, ինչպիսիք են «My Heart Will Go On» և «Because You Loved Me», սեպտեմբեր և հոկտեմբեր ամիսներին Փարիզի 40,000 տեղանոց մարզադաշտում կներկայանա 10 համերգից բաղկացած շարքով։
Հայտարարությունը հնչել է նրա 58-ամյակի օրը։ Ինստագրամում գրառման մեջ Դիոնը իր վերադարձը անվանել է «իմ կյանքի լավագույն նվերը»։
«Ես այնքան պատրաստ եմ դրան», – ասել է նա երկրպագուներին։ «Ես ինձ լավ եմ զգում, ես ուժեղ եմ, ես հուզված եմ և, իհարկե, մի փոքր նյարդային»։
Իր առողջության մասին խոսելով՝ Դիոնը նշել է. «Ես լավ եմ, հաղթահարում եմ հիվանդությունը, ինձ լավ եմ զգում։ Ես նորից երգում եմ և նույնիսկ մի փոքր պարում։
«Բայց պետք է ձեզ ասեմ մի շատ կարևոր բան. վերջին մի քանի տարիների ընթացքում ամեն օր ես զգացել եմ ձեր աղոթքներն ու աջակցությունը, ձեր բարությունն ու սերը»։
«Ես շնորհակալ եմ ձեզ բոլորիդ։ Անհամբեր սպասում եմ ձեզ կրկին տեսնելուն», – հավելել է նա։
Սկզբնաղբյուրը՝ BBC լրատվական կայք