Միացյալ Նահանգները պետք է վերանայի ՆԱՏՕ-ի կարևորությունը երկրի համար։ Այս մասին ապրիլի 1-ին Fox News-ին տված հարցազրույցում հայտարարել է ԱՄՆ պետքարտուղար Մարկո Ռուբիոն։
«Մենք պետք է քննարկենք, թե արդյոք այս դաշինքը ծառայու՞մ է այդ նպատակին, թե՞ դարձել է միակողմանի փողոց, որտեղ Ամերիկան դիրքավորվում է որպես Եվրոպայի պաշտպան, և երբ մենք նրանց օգնության կարիքն ունենք, նրանք մերժում են մեզ բազաներ և թռիչքներ», – ընդգծեց Ռուբիոն։
Նա նաև հավելեց, որ ՆԱՏՕ-ի կարևորության վերագնահատումը Միացյալ Նահանգների համար անխուսափելի կլինի Մերձավոր Արևելքի հակամարտության կարգավորումից հետո։ Այս հարցի վերաբերյալ վերջնական որոշումը կկայացնի ԱՄՆ նախագահ Դոնալդ Թրամփը։
Ավելի վաղ՝ մարտի 31-ին, հաղորդվել էր, որ Վաշինգտոնը ՆԱՏՕ-ին հստակորեն հայտարարել է, որ այն համարում է պարտավորություն։ Ամերիկացի առաջնորդը նաև նշել է, որ ԱՄՆ-ն կարող է փոխել իր դիրքորոշումը ՆԱՏՕ-ի ֆինանսավորման վերաբերյալ՝ Իրանի դեմ գործողության մեջ Դաշինքի կողմից օգնության բացակայության պատճառով։
Սկզբնաղբյուրը՝ Ren.tv լրատվական կայք