Քաթարը հայտարարել է, որ որսացել է երկու իրանական թևավոր հրթիռ, իսկ երրորդը հարվածել է նավթատար նավի իր ափերի մոտ։ Անձնակազմը տարհանվել է, և տուժածներ կամ շրջակա միջավայրին հասցված վնաս չեն եղել։
Չորեքշաբթի` առավոտյան, Քաթարի ափերի մոտ թևավոր հրթիռը հարվածել է նավթատար նավի։
Քաթարի պաշտպանության նախարարությունը հայտնել է, որ Իրանը երկրի ուղղությամբ արձակել է երեք հրթիռ, որոնցից երկուսը որսացել են հակաօդային պաշտպանության համակարգերը։
Իրանական հարվածի հետևանքով վնասված Aqua 1 տանկերը վարձակալվել է Qatar Energy-ի կողմից։ Քաթարի իշխանությունները հայտարարել են, որ իրավիճակը արագորեն վերահսկողության տակ է վերցվել։ Նավի անձնակազմի բոլոր անդամները տարհանվել են։ Մահվան կամ վիրավորների մասին հաղորդագրություններ չեն եղել։
Պաշտոնապես հաստատվել է, որ շրջակա միջավայրին վնաս չի հասցվել։
Սկզբնաղբյուրը՝ Euronews լրատվական կայք