Իրանում ծնված դեմոկրատ ներկայացուցիչ Յասամին Անսարին հայտարարել է Պենտագոնի քարտուղար Փիթ Հեգսեթի դեմ իմպիչմենտի հոդվածներ ներկայացնելու մտադրության մասին: Որպես պատճառ նշվում է Իրանի դեմ ռազմական գործողությունների նրա ղեկավարումը:
Ըստ Axios-ի՝ իր հայտարարության մեջ Անսարին մեղադրել է Հեգսեթին «պաշտոնական երդումը և Սահմանադրության նկատմամբ պարտականությունը բազմիցս խախտելու» և «ամերիկյան զինծառայողներին անզգուշորեն վտանգի ենթարկելու» մեջ:
Նա նաև կոչ է արել կաբինետին կիրառել 25-րդ փոփոխությունը՝ նախագահ Դոնալդ Թրամփին պաշտոնանկ անելու համար՝ հղում անելով նրա սոցիալական ցանցերում Իրանի կառավարության մասին արված անպարկեշտ մեկնաբանություններին:
Սկզբնաղբյուրը՝ Kommersant լրատվական կայք