Խոշոր գիտական հայտնագործությունների մոտ 40 տոկոսը տեղի է ունենում պատահականորեն, այդ իսկ պատճառով հետազոտությունները կատարվում են տարբեր ոլորտներում,- ՌԻԱ Նովոստիին տված հարցազրույցում ասել է Ռուսաստանի գիտությունների ակադեմիայի (ՌԳԱ) նախագահ Գենադի Կրասնիկովը։
«Եթե խոսքը հիմնարար և հետախուզական հետազոտությունների մասին է, ապա այս ոլորտում ռեսուրսների ներդրումը պետության պատասխանատվությունն է, և սա ամբողջ աշխարհում ընդունված պրակտիկա է։ Ինչո՞ւ։ Որովհետև կա պատահականության շատ բարձր մակարդակ, անկանխատեսելի արդյունքների շատ բարձր մակարդակ։ Օրինակ, մենք գիտենք, որ խոշոր հայտնագործությունների մոտ 40 տոկոսը, ինչպիսիք են Նոբելյան մրցանակի մակարդակի հայտնագործությունները, տեղի են ունենում պատահականորեն», – ասել է Կրասնիկովը։
Սկզբնաղբյուրը՝ Ria.ru լրատվական կայք