Ավստրիայի 1500 SPAR սուպերմարկետներից HiPP մանկական սննդի հետ կանչված խմբաքանակների վերլուծությունը ցույց է տվել, որ տարաներից մեկում առնետային թույն է հայտնաբերվել։
Ոստիկանությունը հայտարարության մեջ նշել է, որ առնետային թույնը հայտնաբերվել է Այզենշտադտ-Ումգեբունգ շրջանում հաճախորդի կողմից ներկայացված բանջարեղենային պյուրեի (գազար և կարտոֆիլ) նմուշում։
Ոստիկանությունը հայտնել է, որ մի քանի տարաների ներքևի մասում կարմիր շրջանաձև պիտակներ են եղել, կեղծման նշաններ (անվտանգության կնիքները բացակայում էին), վնասված կափարիչներ և անսովոր հոտ։
Չեխիայի և Սլովակիայի ոստիկանության կողմից առգրավված այս մանկական սննդի նմուշների լաբորատոր փորձարկումները նույնպես բացահայտել են թունավոր նյութի առկայությունը։
Արտադրողը հաստատել է արտադրանքի մեջ առնետային թույնի առկայությունը, որից հետո HiPP մանկական սննդի բոլոր խմբաքանակները անմիջապես հետ են կանչվել երկու երկրների մանրածախ առևտրից։
Սկզբնաղբյուրը՝ Remedium լրատվական կայք