Ապրիլի 20-ին Վրաստանում ՀՀ դեսպան Աշոտ Սմբատյանը և Վրաստանում Ֆրանսիայի դեսպան Օլիվյե Կուրտոն հանդիպել են Թբիլիսիի քաղաքային խորհրդի նախագահ Զուրաբ Աբաշիձեին,- ասված է Վրաստանում ՀՀ դեսպանատան պաշտոնական էջում։
Հանդիպմանը մասնակցել են Թբիլիսիի քաղխորհրդի անդամներ Միխեիլ Ռեխվիաշվիլին և Մամուկա Բալիաշվիլին։
Ըստ հաղորդագրության՝ դեսպաններն ընդգծել են երկու երկրների սերտ կապերի կարևորությունը Վրաստանի հետ, ինչն անդրադառնում է նաև մայրաքաղաք Թբիլիսիի հետ համագործակցությանն ու երեք ժողովուրդների միջև պատմական կապերի ու ավանդական բարեկամության զարգացմանը։
Հանդիպմանը քննարկվել է նաև Թբիլիսիի փողոցներից մեկը աշխարհահռչակ շանսոնյե, հայկական ծագումով, Վրաստանին արմատներով կապված ֆրանսիացի երգիչ Շառլ Ազնավուրի անվամբ անվանակոչելու հարցը։
Զուրաբ Աբաշիձեն հայտնել է, որ Թբիլիսիի քաղաքային խորհրդի համապատասխան հանձնաժողովը պատրաստ է քննարկել առաջարկված հարցը։