«Դրուժբա» խողովակաշարի վնասված հատվածի վերանորոգումն ավարտվել է։
Այս մասին հայտարարել է Ուկրաինայի նախագահ Վլադիմիր Զելենսկին՝ տեղեկացնելով, որ նավթի հոսքը խողովակաշարով կարող է վերսկսվել։
«Ուկրաինան ավարտել է «Դրուժբա» նավթամուղի մի հատվածի վերանորոգումը: Մասնագետները ապահովել են խողովակաշարային համակարգի և սարքավորումների աշխատանքը վերսկսելու հիմնական պայմանները», – գրել է նա:
Ավելի վաղ՝ Եվրոպական հանձնաժողովի ներկայացուցիչ Պաուլա Պինյուն ասել էր, որ Եվրահանձնաժողովն Ուկրաինայի նախագահից սպասում է հայտարարության՝ «Դրուժբա» խողովակաշարով ռուսական նավթի մատակարարումների վերսկսման վերաբերյալ։
Սկզբնաղբյուրը՝ Armtimes լրատվական կայք