Եվրոպայի խորհրդի խորհրդարանական վեհաժողովի (ԵԽԽՎ) նախընտրական պատվիրակությունը, որը երկօրյա այցով՝ մայիսի 11-ից 12-ը գտնվել է Երևանում, հայտարարություն է տարածել՝ շեշտելով, որ 2026 թվականի հունիսի 7-ին Հայաստանում կայանալիք խորհրդարանական ընտրությունները պետք է անցկացվեն վախից, անհարկի արտաքին ազդեցությունից և վարչական ռեսուրսների չարաշահումից զերծ միջավայրում։
Պատվիրակությունն իր հայտարարությամբ խրախուսել է քաղաքացիական հասարակության կազմակերպություններին շարունակել իրենց կենսական դերը ժողովրդավարական չափանիշների մոնիթորինգի, հաշվետվությունների ներկայացման և խթանման գործում։
«ԵԽԽՎ-ն կուղարկի լիարժեք ընտրությունների դիտորդական առաքելություն՝ 2026 թվականի հունիսի 7-ի ընտրությունները դիտարկելու համար՝ ԺՀՄԻԳ-ի, ԵԱՀԿ խորհրդարանական վեհաժողովի և Եվրոպական խորհրդարանի դիտորդների հետ միասին»,-հայտարարել է ԵԽԽՎ պատվիրակությունը։
Սկզբնաղբյուրը՝ 24 news լրատվական կայք