Վրաստանի Բաթումի քաղաքում անցկացվող շախմատի կանանց Եվրոպայի անհատական առաջնության ավարտին մնացել է երկու խաղափուլ։ Տեղի են ունեցել 9-րդ տուրի պարտիաները։
Հայաստանի ներկայացուցիչներից լավագույն արդյունքն ունի գրոսմայստեր Էլինա Դանիելյանը, որը վաստակել է 6.5 միավոր եւ 8-րդ տեղում է:
Կանանց ՖԻԴԵ-ի վարպետ Պոլինա Կոբակը, կանանց գրոսմայստեր Մարիամ Մկրտչյանը եւ միջազգային վարպետ Լիլիթ Մկրտչյանն ունեն 6-ական միավոր:
9-րդ խաղափուլից հետո առաջատարներն ուկրաինացի կանանց ՖԻԴԵ-ի վարպետ Անաստասիա Հնատիշինը եւ իսպանացի միջազգային վարպետ Սաբրինա Վեգա Գուտիեռեսը, որոնք ունեն 7.5-ական միավոր:
Մեկնարկել է 10-րդ խաղափուլը:
Սկզբնաղբյուրը՝ Sport.news լրատվական կայք