Դատարանը ողջ գիշեր լսումներից հետո որոշեց 2 ամսով կալանավորել «Ուժեղ Հայաստան» կուսակցության խորհրդի անդամ Դավիթ Ղազինյանին: Այս մասին 24News-ին հայտնում է փաստաբան Արամ Վարդևանյանը:
Ավելի վաղ Հակակոռուպցիոն կոմիտեից հայտնել էին, որ Դավիթ Ղազինյանը ձերբակալվել է:
Հիշեցնենք, որ ԿԸՀ-ն բավարարել է Դատախազության կողմից ներկայացված միջնորդությունը Դավիթ Ղազինյանին անձեռնմխելիությունից զրկելու վերաբերյալ:
ՀՀ հակակոռուպցիոն կոմիտեի ծառայողների կողմից իրականացված միջոցառումների արդյունքում փաստական տվյալներ էին ստացվել այն մասին, որ «Ուժեղ Հայաստան» կուսակցության Երևանի Արաբկիր վարչական շրջանի գրասենյակում որպես պատասխանատու նշանակված անձինք, ինչպես նաև նույն կուսակցության պատգամավորի թեկնածու գրանցված Դ. Ղ.-ն, կուսակցության համակիրների և նրանց հետ համագործակցող մի խումբ անձանց հետ նախնական համաձայնությամբ ընտրողներին խոստացել, ինչպես նաև տվել էին ընտրակաշառք: Դեպքի առթիվ ՀՀ հակակոռուպցիոն կոմիտեում նախաձեռնվել էր քրեական վարույթ: