Ուկրաինայի արտակարգ իրավիճակների պետական ծառայությունից հայտնել են, որ հուլիսի 16-ի գիշերը ռուսական զորքերը հարձակվել են Կիևի վրա։ Հրետակոծության հետևանքով զոհվել է երկու մարդ, ևս հինգը՝ ստացել վնասվածքներ։
Ամենաշատը տուժել է մայրաքաղաքի Դարնիցայի շրջանը, որտեղ հրդեհներ են բռնկվել վարչական-պահեստային շենքում, պահեստային տարածքում և մոտակայքում կայանված բեռնատար ավտոմեքենաներում, սակայն փրկարարները մարել են հրդեհները։
Ըստ ԱԻՊԾ-ի տվյալների՝ հենց Դարնիցայի շրջանում է զոհվել երկու մարդ։ Եվս երկու հոգի, որոնցից մեկը երեխա, ստացել է վնասվածքներ։
Սվյատոշինի շրջանում հարվածի հետևանքով հրդեհ է բռնկվել մեկհարկանի պահեստային շենքում, որտեղ տուժել է երեք մարդ։ Ներկայումս հրդեհը տեղայնացված է։
Փրկարարները շարունակում են աշխատել հարվածների վայրերում և վերացնել հարձակման հետևանքները։ Զոհերի և տուժածների մասին տեղեկատվությունը ճշտվում է։
Սկզբնաղբյուրը՝ Armtimes լրատվական կայք