Ազատ Սուքիասյան
Ծնվել է
1984 թ․ նոյեմբերի 28-ին Արմավիրի մարզի Մեծամոր քաղաքում։
Ոգեշնչված էր
Իր հարազատների ներկայությունն էր նրա մեծագույն ուժն ու ոգեշնչման աղբյուրը։
Ընտանեկան կյանքը
Ազատ ժամանակը բաժանում էր հարազատների, ընկերների, զինծառայող գործընկերների միջև։ Չուներ ամուսին կամ զույգ։
Ընկերների ու հարազատների հիշողությամբ
Նրան նկարագրում են որպես պարտաճանաչ, կարգապահ, պատասխանատու մարդ, ով վայելում էր մեծ հարգանք ու սեր։
Յուրահատկությունները
Ազատասեր էր։ Բոլորի հանդեպ ուշադիր էր ու համեստ։ Գրել է քառատողեր։
Վերջին խոսքը
Քրոջն ասել է․ «Ես ծառայում եմ, որ դու հանգիստ աշխատես… Դու ինձ մի զանգի, ես քեզ կզանգեմ, հնարավոր է ուշ-ուշ զանգեմ։» Մի անգամ ասաց՝ «Լավ կլինի, մի մտածի, ամեն ինչ լավ կլինի»։
Վերջին մարտը
2020 թ․ հոկտեմբերի 22-ին Կովսականում՝ թեժ մարտերի ընթացքում։ Մասնակցել է առանց ետ նայելու, առանց բողոքի։ Նրա լռությունը պատմում է ամեն ինչ։
*«Զինապահ» հիմնադրամը այն կառույցներից է, որի գործունեության հիմքում ընկած են պատասխանատվությունը, հայրենասիրությունն ու զինվորի կողքին լինելու պատրաստակամությունը։
Այն կարևոր աշխատանք է իրականացնում՝ աջակցելով մեր զինվորներին և նրանց ընտանիքներին ու նպաստելով նրանց բարեկեցությանը։
«Զինապահի» գործունեությունը ևս մեկ ապացույց է, որ միասին կարող ենք իրական աջակցությունը վերածել գործի՝ լինելով այնտեղ, որտեղ մեր զինվորն ունի դրա կարիքը։
Աղբյուրը՝ «Զինապահ» հիմնադրամ
Հ․Գ․ Լրատվամիջոցը յուրաքանչյուր օր անդրադառնալու է բոլոր զոհված հերոսներին (օրական 1 հոգու):
