Ռուսաստանը մտադիր է իր ռազմական պլանավորման մեջ հաշվի առնել Ֆինլանդիայում միջուկային զենքի հայտնվելու հնարավորությունը,-ՌԻԱ Նովոստիին հայտնել են Հելսինկիում Ռուսաստանի դեսպանատնից։
«Պետք չէ ռազմական փորձագետ լինել՝ հասկանալու համար, որ Ֆինլանդիայի տարածքում միջուկային զենքի հայտնվելու նույնիսկ տեսական հնարավորությունը հաշվի կառնվի Ռուսաստանի ռազմական պլանավորման մեջ։ Մենք հույս ունենք, որ Հելսինկին տեղյակ է դրա մասին», – հայտարարել է դիվանագիտական առաքելությունը։
Ապրիլի 23-ին Ֆինլանդիայի կառավարությունը խորհրդարանին է ներկայացրել «Ատոմային էներգիայի մասին» օրենքում փոփոխություն կատարելու մասին։ Այն առաջարկում է վերացնել միջուկային զենքի տարանցման և «ՆԱՏՕ-ի պաշտպանության համատեքստում» երկրի տարածքով դրանց պահպանման արգելքը։
1987 թվականին ընդունված Ֆինլանդիայի «Ատոմային էներգիայի մասին» օրենքը արգելում է միջուկային պայթուցիկների ներմուծումը, արտադրությունը, պահպանումը և պայթեցումը երկրի ներսում։
Սկզբնաղբյուրը՝ Kommersant լրատվական կայք