«Քաղաքացիական պայմանագիր» խմբակցության ԱԺ 8-րդ գումարման պատգամավոր Արթուր Հովհաննիսյանն առաջադրվել է 9-րդ գումարման ԱԺ-ի «Քաղաքացիական պայմանագիր» խմբակցության ղեկավարի թեկնածու:
Տեղեկությունը «Հայկական ժամանակ»-ին հաստատել է Հովհաննիսյանը:
Հիշեցնենք՝ նույն պաշտոնում թեկնածություն է առաջադրել նաև Արուսյակ Մանավազյանը:
Հուլիսի 2-ին «Քաղաքացիական պայմանագիր» կուսակցությունը փակ նիստ կանի և կընտրի խմբակցության ղեկավար:
Օրեր առաջ ԱԺ նախագահի տեղակալի թեկնածուներ են ընտրվել Հայկ Կոնջորյանը և Վահագն Ալեքսանյանը:
«Քաղաքացիական պայմանագիր» կուսակցության վարչության նիստում հունիսի 25-ին փակ, գաղտնի քվեարկության արդյունքում Ազգային ժողովի նախագահի թեկնածու է ընտրվել Ռուբեն Ռուբինյանը: