Ձերբակալվել է «Մայր Հայաստան» կուսակցության վարչության անդամ, հունիսի 7-ին կայացած ընտրություններում ԲՀԿ ցուցակով առաջադրված պատգամավորի թեկնածու Արեգնազ Մանուկյանը։
«Արմենպրես»-ին այս մասին տեղեկացրեցին ՀՀ քննչական կոմիտեից։
«Քրեական վարույթի շրջանակում Ա.Մ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 427-րդ հոդվածի 1-ին մասով (պետական գաղտնիք պարունակող տեղեկություններ հրապարակելը):
Նա ձերբակալվել է՝ դատարան ներկայացնելու համար»,– հայտնեցին Կոմիտեից։
Հունիսի 12–ին Քննչական կոմիտեն խուզարկություն էր կատարել Արեգնազ Մանուկյանի բնակարանում՝ Անդրանիկ Թևանյանին առնչվող գործի շրջանակներում։