Այս տարվա մայիսի 26-ին՝ երջանկահիշատակ լրագրող-հրապարակախոս Արմեն Դուլյանի ծննդյան օրը, ճանաչված լրագրող, հրապարակախոս, «Առավոտ» օրաթերթի հիմնադիր և գլխավոր խմբագիր Արամ Աբրահամյանին շնորհվեց «Արմեն Դուլյան» առաջին մրցանակը՝ իր երկարամյա ստեղծագործական սկզբունքային գործունեության, ազնիվ ու անկողմնակալ լրագրությանը դավանելու, մարդկային որակների, գործընկերներին ու լրագրողների երիտասարդ սերնդին արժեհամակարգ փոխանցելու, հրապարակախոսական ուրույն ձեռագիր ունենալու գնահատելի որակների համար: Այս մասին հայտարարություն է տարածել Հայաստանի ժուռնալիստների միության նախագահ Սաթիկ Սեյրանյանը։
Մրցանակը շնորհվել է Հայաստանի ժուռնալիստների միության և մրցութային հանձնաժողովի կողմից՝ «Արմեն Դուլյան» մրցանակաբաշխության քվեարկության արդյունքների ամփոփման արդյունքում: