Ստամբուլի հայկական Սուրբ Կարապետ գերեզմանատան դեմ հարձակման գործով առաջին դատական նիստ նշանակվել է օգոստոսի 20-ին։
Ինչպես տեղեկացնում է Ստամբուլի հայկական Ակոսը, գործով միակ մեղադրյալ 55-ամյա Մուհարեմ Քյունն ընդունել է մեղքը, նշել, որ զղջում է արարքի համար։ Նա պնդել է, թե գործել է ինքնուրույն եւ որեւէ մեկը չի ուղղորդել։
Նշենք, որ այս տարվա հուլիսի 7-ի գիշերը Ստամբուլի հայկական Սուրբ Կարապետ եկեղեցի մտած անձը կամ անձինք կոտրել են 6 գերեզմանաքարեր եւ մեկ հուշաղբյուր։
Հայ համայնքի բողոքի հիման վրա քրեական գործ է հարուցվել։
Սկզբնաղբյուրը՝ News.am լրատվական կայք