Սոչիի միջազգային օդանավակայանում 57 չվերթի մեկնումը հետաձգվում է՝ կապված այն սահմանափակումների հետ, որոնք մտցվել են հինգշաբթի երեկոյից՝ քաղաքացիական օդանավերի թռիչքների անվտանգությունն ապահովելու համար։
Օդանավակայանի առցանց ցուցատախտակի համաձայն, ուրբաթ Մոսկվայի ժամանակով ժամը 09:00-ի դրությամբ մեկնումը հետաձգվում է «Աէրոֆլոտ», «Պոբեդա», «ՅՈւԹէյր», «Ուրալյան ավիաուղիներ» (MOEX: URAL), S7 և «Ռոսիա» ավիաընկերությունների՝ դեպի մոսկովյան ավիացիոն հանգույցի օդանավակայաններ ուղևորվող չվերթների համար։
Բացի այդ` հետաձգվել են «Ռոսիա», «Պոբեդա», «Ազիմուտ», «Աէրոֆլոտ», «Ուրալյան ավիաուղիներ», «Սմարտավիա», «Իկար», «Սևերստալ», «Յամալ» և «ՅՈւԹէյր» ավիաընկերությունների չվերթները նաև այլ ուղղություններով։
Հետաձգվում է նաև մի քանի միջազգային չվերթի մեկնումը՝ Red Wings ավիաընկերության դեպի Թել Ավիվ (Իսրայել) և Թբիլիսի (Վրաստան), FlyOne Armenia-ի դեպի Երևան (Հայաստան), «Բելավիա»-ի դեպի Մինսկ (Բելառուս), «ԻրԱէրո»-ի և «Ուրալյան ավիաուղիների» դեպի Անթալիա (Թուրքիա), «Աէրոֆլոտ»-ի դեպի Ստամբուլ (Թուրքիա) չվերթները։