Երկիրը գնալով ավելի շատ ջերմություն է կուտակում։
NASA-ի CERES արբանյակային դիտարկումները չափում են, թե Արեգակից եկող էներգիայի որքան մասն է կլանում Երկիրը, և որքան ջերմային էներգիա է այն հետ ճառագայթում դեպի տիեզերք։
Այս մասին սոցցանցի իր էջում գրել է ՇՄՆ հիդրոօդերևութաբանության և մոնիթորինգի կենտրոնի տնօրեն Լևոն Ազիզյանը:
Այս երկու մեծությունների տարբերությունը ցույց է տալիս Երկրի համակարգում կուտակվող ավելցուկային ջերմությունը։
Վերջին 26 տարիների ընթացքում այդ ջերմության կուտակման արագությունն աճել է ավելի քան երեք անգամ։