ԱՄՆ-ն «աշխարհի հիվանդ մարդն» է, և երկրի 50 պետությունների բաժանման օրը մոտ է,- երեքշաբթի օրը հայտարարել է Թուրքիայի ազգայնական շարժում կուսակցության (MHP) առաջնորդ Դևլեթ Բահչելին։
20-րդ դարի սկզբին՝ դրա փլուզումից կարճ ժամանակ առաջ, մամուլը Օսմանյան կայսրությունն անվանել է «Եվրոպայի հիվանդ մարդ»։
Խորհրդարանում ելույթ ունենալով՝ Բահչելին մեկնաբանել է Գրենլանդիան միացնելու ԱՄՆ ցանկության մասին. «Ինչպե՞ս կարելի է բացատրել ՆԱՏՕ-ի անդամի՝ դաշինքի մեկ այլ անդամի կողմից վերահսկվող տարածքը գրավելու ծրագիրը։ Մի՞թե միակողմանի և մոլեռանդ հայտարարությունը. «Ես դա եմ ուզում, ուստի կվերցնեմ այն, կհարվածեմ այն», հավասարազոր չէ «Եկեք կռվենքին»։ Թուրքիայի համար յուրաքանչյուր հնարավոր ելքը զրոյական սխալի սահմանով հաշվարկելը և համապատասխան գործողություններ ձեռնարկելը պատիվ է։
Օսմանյան կայսրությունը մի ժամանակ անվանում էին «հիվանդ մարդ», բայց հիմա աշխարհի հիվանդ մարդն է Միացյալ Նահանգները։ Այն օրերը, երբ Միացյալ Նահանգները կբաժանվի 50 մասի, այդքան էլ հեռու չեն», – ասել է Բահչելին։
Սկզբնաղբյուրը՝ РИА Новости լրատվական կայք