ԱՄՆ Սենատը մերժեց այն բանաձևը, որը կարգելեր նախագահ Դոնալդ Թրամփին ռազմական գործողություններ իրականացնել Վենեսուելայում՝ առանց Կոնգրեսի հաստատման։ Վճռորոշ քվեարկությունը տվել է փոխնախագահ Ջ.Դ. Վենսը։ Բանաձևը, ի վերջո, մերժվել է 51 սենատորի և 50-ի դեմ ձայների հարաբերակցությամբ։
Ըստ «Ռոյթերսի»՝ դեմոկրատ սենատոր Թիմ Քեյնի կողմից ներկայացված բանաձևը փորձ էր՝ սահմանափակելու Թրամփի վարչակազմի լիազորությունները Վենեսուելայի նկատմամբ՝ հունվարի 3-ին նախագահ Նիկոլաս Մադուրոյին գերի վերցնելու գործողությունից հետո։ Բանաձևի հեղինակները պնդում էին, որ ԱՄՆ ռազմածովային ուժերի կողմից Վենեսուելայի ափերի շրջափակումը և հետագա գործողությունների սպառնալիքները «ռազմական գործողություններ» են և պահանջում են Կոնգրեսի հաստատում։
Սենատի մեծամասնության առաջնորդ Ջոն Թունը դեմոկրատական նախաձեռնությունը անվանել է «հակաթրամփյան հիստերիա»՝ պնդելով, որ ԱՄՆ-ն «այնտեղ ռազմական գործողություններ չի իրականացնում»։ Սպիտակ տունը պնդում է, որ պարոն Մադուրոյի գերի վերցնելը «դատական գործողություն» էր՝ նրան ԱՄՆ-ին թմրանյութերի ապօրինի շրջանառության մեղադրանքով արտահանձնելու համար, այլ ոչ թե պատերազմական ակտ։
Սկզբնաղբյուրը՝ Kommersant լրատվական կայք