Վերջին բողոքի ցույցերի հետ կապված` Իրանի դեմ ԵՄ նոր պատժամիջոցները կազդեն Իրանի կառավարության անդամների, Իսլամական հեղափոխության պահապանների կորպուսի (ԻՀՊԿ) և մի շարք այլ բարձրաստիճան պաշտոնյաների վրա,- հինգշաբթի օրը հայտարարեց Ֆրանսիայի արտաքին գործերի նախարար Ժան-Նոել Բարոն։
«Այսօր մենք կընդունենք եվրոպական պատժամիջոցներ այդ բռնաճնշումների համար պատասխանատուների նկատմամբ։ Ավելի քան 20 անհատների և կազմակերպությունների ակտիվները կսառեցվեն, և նրանց կարգելվի մուտք գործել եվրոպական տարածք», – ասաց Բարոն ԵՄ արտաքին գործերի նախարարների հանդիպմանը ժամանելուց հետո։
Իրանում բողոքի ցույցերը սկսվել են 2025 թվականի դեկտեմբերի վերջին՝ ազգային արժույթի արժեզրկման պատճառով, սակայն ավելի ուշ վերածվել են անկարգությունների և կառավարության դեմ բողոքի ցույցերի, որոնք գագաթնակետին են հասել Իրանի տապալված շահի որդու՝ Ռեզա Փահլավիի կոչերով։
Ինտերնետը խափանվել է ամբողջ երկրում, և զոհերի մասին հաղորդվել է ինչպես անվտանգության ուժերի, այնպես էլ ցուցարարների շրջանում։ Իրանի իշխանությունները, մեղադրելով ԱՄՆ-ին և Իսրայելին անկարգությունները կազմակերպելու մեջ, հունվարի 12-ին հայտարարեցին, որ իրավիճակը վերահսկողության տակ է վերցվել։
Սկզբնաղբյուրը՝ РИА Новости լրատվական կայք