Չիկագոյի համալսարանի պրոֆեսոր Պոլ Սերենոյի գլխավորությամբ հնէաբանների միջազգային խումբը հայտարարել է դինոզավրի նոր տեսակի՝ Spinosaurus mirabilis-ի հայտնաբերման մասին։
Նիգերի Սահարա անապատի հեռավոր շրջանում կատարված հայտնագործությունը ոչ միայն ընդլայնել է սպինոզավրերի ընտանիքը, այլև ստիպել է գիտնականներին վերանայել այս հսկա գիշատիչների կենսակերպը։ Ուսումնասիրությունը զարդարել է Science ամսագրի վերջին համարի շապիկը։
Երկար ժամանակ համարվում էր, որ սպինոզավրերը բնակվում էին բացառապես ափամերձ տարածքներում և գրեթե ամբողջությամբ ջրային էին, որսը հետապնդելով ջրի տակ։ Սակայն S. mirabilis-ը հայտնաբերվել է ցամաքում՝ այդ ժամանակ ամենամոտ ափամերձ գծից 500-1000 կմ հեռավորության վրա։
Դինոզավրի մնացորդները հայտնաբերվել են գետի նստվածքներում՝ երկար պարանոց ունեցող զավրոպոդների կմախքների կողքին։
Սկզբնաղբյուրը՝ News.rambler լրատվական կայք