Մեծ Բրիտանիայում ծնվել է երեխա մահացած դոնորից արգանդի փոխպատվաստում ստացած կնոջից: Լոնդոնից և Օքսֆորդից վիրաբույժները, որոնք մասնակցել են փոխպատվաստմանը և հետևել մորը հղիության և ծննդաբերության ընթացքում, երեխայի ծնունդը անվանել են «բեկումնային պահ», որը կարող է հույս տալ անբարենպաստ ախտորոշում ունեցող շատ կանանց:
Փոքրիկ Հյուգոն այժմ 10 շաբաթական է: Նա ծնվել է 2025 թվականի Սուրբ Ծննդից կարճ ժամանակ առաջ Լոնդոնի արևմտյան մասում գտնվող «Թագուհի Շառլոտի և Չելսի» հիվանդանոցում: Ծննդյան ժամանակ նա կշռել է մոտ 3.2 կգ:
Հյուգոյի ծնողները՝ Գրեյս Բելը և Սթիվ Փաուելը, իրենց որդու ծնունդը անվանում են իսկական հրաշք: Նրանք ասում են, որ դոնոր ընտանիքը ցուցաբերել է անհավանական «բարություն և անձնուրացություն» և իրենց «անհավանական նվեր» է տվել՝ թույլատրելով փոխպատվաստումը:
Սա Մեծ Բրիտանիայում առաջին դեպքը չէ, երբ կինը երեխա է ծննդաբերում ուրիշի արգանդով: 2025 թվականի սկզբին ծնվեց Էմի անունով մի աղջիկ, սակայն դա առաջին դեպքն էր, երբ երեխա էր ծնվել կենդանի դոնորից արգանդի փոխպատվաստումից հետո։
Սկզբնաղբյուրը՝ BBC լրատվական կայք