ՆԱՏՕ-ի ուժերը չկարողացան հայտնաբերել ուկրաինական անօդաչու թռչող սարքեր Պորտուգալիայում անցկացված զորավարժությունների ժամանակ

Պորտուգալիայի ափերի մոտ՝ Սետուբալի մոտ, անցկացված REPMUS25 փորձարարական զորավարժությունները բացահայտեցին ՆԱՏՕ-ի ռազմածովային ուժերի մի քանի թույլ կողմեր։

Ռազմական սցենարում ուկրաինական անօդաչու թռչող սարքերը կարող էին խորտակել դաշինքի ֆրեգատ։

REPMUS25 փորձարարական զորավարժությունները, որոնք անցկացվել են ՆԱՏՕ-ի DYMS զորավարժություններին զուգահեռ և համարվում են անօդաչու համակարգերի աշխարհում ամենամեծ կիրառումը ծովային միջավայրում, տեղի են ունեցել Տրուա և Սեսիմբրա քաղաքների միջև՝ Սետուբալի մոտ, 2025 թվականի սեպտեմբերին։

Զորավարժություններին մասնակցող ուկրաինական աղբյուրը գերմանական Frankfurter Allgemeine Zeitung թերթին ասել է, որ զորավարժությունների հինգ սցենարներում ուկրաինական ուժերը (ԿԱՐՄԻՐ) հաղթել են ՆԱՏՕ-ի ուժերին (ԿԱՊՈՒՅՏ), ցուցադրելով ոչ միայն Ուկրաինայի ռազմածովային ռազմական տեխնիկայի ներուժը, այլև դաշնակիցների պաշտպանության խոցելիությունը։

Նույն աղբյուրի համաձայն՝  ուկրաինացիները զորավարժություններին բերել են իրենց Magura V7 ռազմածովային անօդաչու թռչող սարքի մի քանի տարբերակ, ինչը զգալիորեն նպաստել է գործողության հաջողությանը։

Սկզբնաղբյուրը՝ Naked-science լրատվական կայք