ԱՄՆ-ի և Իրանի միջև ցանկացած միջուկային համաձայնագիր կդառնա «պատրանք», եթե չներգրավվեն միջազգային տեսուչներ: Առանց խիստ վերահսկողության` Թեհրանի խոստումները որևէ կշիռ չունեն:
Այս մասին հաղորդում է RBC-Ukraine-ն՝ հղում անելով ԱԷՄԳ-ի գլխավոր տնօրեն Ռաֆայել Գրոսիի հետ The Telegraph-ում տված հարցազրույցին:
Թղթի վրա գրված խաղաղության համաձայնագրերը չեն երաշխավորում անվտանգությունը,- հայտարարել է Գրոսսին: Միայն նրա գործակալությունը կարող է օբյեկտիվ պատկերացում տալ այն մասին, թե ինչ է կատարվում փակ իրանական օբյեկտներում:
«Առանց ստուգման, ցանկացած համաձայնագիր գործարք չէ: Դա գործարքի կամ խոստման պատրանք է, որի կատարումը անհայտ է», – բացատրել է ԱԷՄԳ-ի ղեկավարը:
Գրոսին ընդգծել է, որ ԱԷՄԳ-ն կատարյալ գիտելիքներ ունի Իրանի յուրաքանչյուր միջուկային օբյեկտի մասին, ինչը թույլ է տալիս ապահովել լիակատար անաչառություն: Եթե կողմերը փորձեն բանակցել կուլիսներում, աշխարհը իրական երաշխիքներ չի ստանա: Գրոսին կասկածում է, որ ԱԷՄԳ-ի ստուգումներից բացի որևէ այլ մեխանիզմ կկարողանա հաստատել, որ պարտավորությունները կատարվում են:
Սկզբնաղբյուրը՝ RBC լրատվական կայք