24News-ին ՔԿ-ից հայտնեցին, որ հունիսի 23-ին Երևանի քաղաքապետարանում տեղի ունեցած միջադեպի վերաբերյալ ստացված հաղորդման առթիվ նախաձեռնվել է քրեական վարույթ։
«Քրեական օրենսգրքի 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործությունը)»,-ասաց ՔԿ խոսնակ Կիմա Ավդալյանը:
24News-ի տեղեկություններով, դեպքի առթիվ ՆԳՆ հաղորդում է ներկայացրել Երևանի ավագանու «Մայր Հայաստան» խմբակցության անդամ Սարգիս Տեր-Եսայանը, ով միջադեպի ընթացքում մարմնական վնասվածքներ էր ստացել:
Հիշեցնենք, որ երեկ Երևանի ավագանու հերթական նիստի ընթացքում իրավիճակը լարվեց, ծեծկռտուք սկսվեց «Մայր Հայաստան» և «Քաղաքացիական պայմանագիր» խմբակցության անդամների միջև։
Մերի Մանուկյան