Իրաքը ծրագրում է մինչև 2027 թվականի հունիսը երկրում գործող զինված կազմավորումները լիովին զինաթափել։ Այդ մասին The New York Times (NYT) թերթին տված հարցազրույցում հայտարարել է Իրաքի վարչապետ Ալի ազ-Զեյդին։
Իրաքի վարչապետը նշել է, որ իշխանությունները մտադիր են վերահսկողության տակ վերցնել զինված խմբերին և դրանք ինտեգրել պետական կառույցների մեջ։ Նրա խոսքով՝ սահմանված ժամկետի ավարտից հետո ցանկացած կազմավորում, որը կշարունակի գործել որպես ինքնուրույն աշխարհազոր, կհայտարարվի օրենքից դուրս։
Ազ-Զեյդին հայտնել է, որ գործընթացը պետք է սկսվի 90-օրյա ժամանակահատվածով, որի ընթացքում զինված խմբերը պարտավորվում են հրաժարվել հարձակումներից։ Դրանից հետո նախատեսվում է անցում կատարել զենքի հանձնմանը, որը պետք է ավարտվի մինչև 2027 թվականի հունիսի 30-ը։
«Թեև հենց կազմավորումներն իրենք պնդում են զինաթափման ժամկետը երկարաձգել մինչև 2027 թվականի վերջը», — ասել է ազ-Զեյդին։